AMEA Kibernetika İnstitutu

AzMİU-da tələbə və magistrlərin XXXIV elmi konfransı keçirilmişdir

Kavaler — Tue, 15 May 2012 15:00:00 -0400

Mayın 14-15-də universitetimizdə tələbə və magistrlərin ümummilli lider Heydər Əliyevin anadan olmasının 89-cu ildönümünə həsr edilmiş XXXIV elmi konfransı keçirilmişdir.

Son illərdə təklif olunmuş layihələr

Kavaler — Sat, 05 May 2012 09:28:06 -0400

boş mövzu

Qafqaz Universitetində seminar keçirilmişdir

Kavaler — Thu, 19 Apr 2012 17:00:00 -0400

Qafqaz Universitetində Kibernetika İnstitutunun direktoru Akademik Telman Əliyevin "Qəzaların gizli dövrünün robast-noise monitorinq texnologiyaları və nəzəriyyəsi" mövzusunda seminarı keçirilmişdir.

Doktorluq dissertasiyasının müdafiəsi

Kavaler — Fri, 06 Apr 2012 17:00:00 -0400

06.04.12-ci ildə Kibernetika İnstitutunun dissertasiya şurasının müdafiəsi keçirilmışdir. Müdafiədə AMEA-nın həqiqi üzvü, t.e.d, prof. Ə.M.Abbasovun elmi məsləhəti ilə İsbəndiyar Müseyib oğlu Əliyevin texniki elmlər doktoru elmi adını almaq üçün 05.13.01- Sistemli analiz , idarəetmə və informasiyanın işlənməsi ixtisası üzrə yerinə yetirdiyi “Qlobal informasiya şəbəkələrinin sintezi üçün model və metodların işlənməsi və inkişaf etdirilməsi” mövzusunda doktorluq dissertasiya işinin müdafiəsi keçirilmişdir.

27.03.2012 Dissertasiya şurasının elmi seminarı

Kavaler — Tue, 27 Mar 2012 17:00:00 -0400

27.03.12- ci ildə Kibernetika İnstitutunun D 01.121 Dissertasiya Şurasının Elmi Seminarında texnika üzrə fəlsəfə doktoru alimlik dərəcəsi almaq üçün 05.13.01- “Sistemli analiz, idarəetmə və informasiyanın işlənməsi ixtisası üzrə, Professor, müxbir üzv A.Z.Məlikovun rəhbərliyi ilə, Ali Ahmet oğlu Şahintaşın “Biopolimerlərlə zəhərlənmələrin diaqnostikası və müalicə alqoritminin informasiya sisteminin işlənməsi (zootoksinlər üzrə)” və 05.13.01- “Sistemli analiz, idarəetmə və informasiyanın işlənməsi ixtisası üzrə, t.e.d., professor O.Q.Nüsrətovun və r.e.f.d. G.G.Abdullayevanın elmi rəhbərliyi ilə, İsmayıl Arif oğlu İsmayılovun “Neftqaz yataqları timsalında qərarqəbuletmənin inteqrə olunmuş ekspert sistemlərinin işlənilməsi” mövzusunda yerinə yetirdikləri dissertasiya işlərinin müzakirəsi keçirilmişdir.

Kibernetika İnstitutunun Elmi Şurasının iclası keçirildi

Kavaler — Mon, 05 Mar 2012 17:00:00 -0500

05.03.12- ci ildə Kibernetika İnstitutunun Elmi Şurasının iclası keçirildi. İclasın gündəliyində duran əsas məsələ AMEA-nın həqiqi üzvlüyünə və müxbir üzvlüyünə seçilmək üçün Kibernetika İnstitunun alimlərinin namizədliklərinin irəli sürülməsi idi. Bu barədə geniş müzakirələr aparıldı.

Əvvəlcə, mexanika üzrə AMEA-nın həqiqi üzvü seçilməsi üçün, AMEA-nın müxbir üzvü, f.r.e.d., professor A.H.Hacıyevin namizədliyi irəli sürüldü. İbrahimov İ.Ə., Əliyev T.A., Quliyev M.A., Aydazadə K.R. və başqaları çıxış edərək , A.H.Hacıyevin layiqli namizəd olduğunu qeyd etdilər. Elmi Şüra üzvlərinin hamısı A.H.Hacıyevin lehinə səs verdilər.

Sonra informatika üzrə AMEA-nın müxbir üzvlüyünə seçilmək üçün t.e.d., professor O.Q.Nüsrətovün, f.r.e.d., professor K.R.Aydazadənin və f.r.e.d., professor K.B.Mənsimovun namizədlikləri ürəli sürüldü. T.A.Əliyev, A.H.Hacıyev, Quliyev M.A., Məlikov A.Z., Nəsirova T.H. O.Q.Nüsrətovün , K.R.Aydazadənin və K.B.Mənsimovun AMEA-nın müxbir üzvü seçilməsi üçün layiqli namizəd olduğuqlarını qeyd etdilər. Şura üzvlərinin hamısı t.e.d., professor O.Q.Nüsrətovün f.r.e.d., professor K.R.Aydazadənin və f.r.e.d., professor K.B.Mənsimovun lehinə səs verdilər.

Riyaziyyat üzrə müxbir üzv seçilmək üçün Kibernetika İnstitutunun əməkdaşları f.r.e.d., professor T.H. Nəsirovanın, V.R.İbrahimovun və E.N.Mahmudovun namizədlikləri irəli sürüldü. T.A.Əliyev, A.H.Hacıyev, Məlikov A.Z., Quliyev M.A., Həsənli Y., K.R.Aydazadə T.H. Nəsirovanın, V.R.İbrahimovun və E.N.Mahmudovun layiqli namizəd olduqlarını qeyd etdilər və onların namizədlikləri yekdilliklə qəbul olundu.

Dissertasiya işlərinin müfadiəsi keçirilmişdir

Kavaler — Fri, 02 Mar 2012 17:00:00 -0500

2 mart 2012-ci il tarixində Kibernetika İnstitutunun nəzdindəki Д 01.121 - dissertasiya şurasında iki dissertasiya işinin müfadiəsi keçirilmişdir:
1. r.e.d., prof. M.H.Yaqubovun elmi rəhbərliyi ilə Nətavan Şükür qızı Əsədovanın 01.01.09 – “Diskret riyaziyyat və riyazi kibernetika” ixtisası üzrə riyaziyyat elmləri üzrə fəlsəfə doktoru elmi adını almaq üçün yerinə yetirdiyi “Elliptik tənliklə təsvir olunan proseslərdə adi və ümumiləşmiş idarələrin optimallığı şərtləri” mövzusunda dissertasiya işi;
2. t.e.d. A.B.Həsənovun elmi rəhbərliyi ilə Vüsalə Həmzə qızı Babacanovanın 05.13.18 – “Riyazi modelləşdirmə, ədədi üsullar və proqram kompleksləri” ixtisası üzrə texnika elmləri üzrə fəlsəfə doktoru elmi adını almaq üçün yerinə yetirdiyi “Mürəkkəb strukturlu özlü-elastik mühitlərdə dalğa proseslərinin riyazi modelləşdirilməsi” mövzusunda dissertasiya işi.

Dissertasiya şurasının elmi seminarı...

Kavaler — Tue, 21 Feb 2012 17:00:00 -0500

21.02.12- ci ildə Kibernetika İnstitutunun D 01.121 Dissertasiya Şurasının Elmi Seminarında texnika üzrə fəlsəfə doktoru alimlik dərəcəsi almaq üçün 05.13.01- “Sistemli analiz, idarəetmə və informasiyanın emalı ixtisası üzrə , R.e.d, professor, müxbir üzv A.Z.Məlikovun rəhbərliyi ilə, Sevinc Həmzağa qızı Əliyevanın “Naqilslz və optik əlaqə şəbəkələrinin inteqrasiyasının üsul və alqoritmlərinin yaradılması” və 05.11.16- İnformasiya-ölçmə və idarəetmə sistemləri ixtisası üzrə , t.e.f.d., dos.N.T.Abdullayevin rəhbərliyi ilə, Xanım Zubail qızı Səmədovanın “Elektrofizioloji siqnalların ölçülməsi, emalı və analizi sistemlərinin səmərəliliyinin yüksəldilməsi” mövzusunda yerinə yetirdikləri dissertasiya işlərinin müzakirəsi keçirilmişdir.

Azərbaycan-Avropa Birliyinin alt kömitəsinin Bakıda iclasında iştirak

Kavaler — Fri, 10 Feb 2012 17:00:00 -0500

9-10 fevral 2012-ci il tarixlərində Kibernetika institutunun "Xarici əlaqələr və innovasiya" şöbəsinin rəhbəri Tofig Babayev Azərbaycan-Avropa Birliyinin İctimai məsələlər, Səhiyyə, Tədris, Təhsil və Gənclik, Mədəniyyət, İnformasiya Cəmiyyəti və Audiovizual Siyasət, Elm və Texnologiya üzrə birgə alt komitəsinin Bakıda keçirilən birinci iclasında iştirak etmişdir.
“Tədqiqatçıların mübadiləsi və digər üsullarla Azərbaycanda elmi tədqiqatların potensialının artırılması” bölməsində çıxış edərək Babayev Milli Təmsilçi qismində 2009-2011-ci illərdə Azərbaycanda elmi potensialın artırılması istiqamətində apardığı işlərdən, o cümlədən Avropanın Tədqiqatlar Məkanı barədə məlumatın yayılması məqsədi ilə keçirilən konfranslarvə təlimlər barədə ətraflı məlumat verdi və iclas iştirakçılarının AB-nin 7FP-çərçivə proqramları barədə suallarına cavab verdi.

“Dövlət strukturlarının rəhbər işçiləri üçün İKT-nin əsasları Akademiyası”nın1-ci və 2-ci Modulları üzrə Məlumat-Təlim sessiyasında iştirak

Kavaler — Tue, 07 Feb 2012 17:00:00 -0500

   Kibernetika institutunun "Xarici əlaqələr və innovasiya" şöbəsinin rəhbəri Tofig Babayev “Dövlət strukturlarının rəhbər işçiləri üçün İKT-nin əsasları Akademiyası”nın1-ci və 2-ci Modulları üzrə Məlumat-Təlim sessiyasında iştirak etmişdir. Təlim 6-7 fevral 2012-ci il tarixlərində Bakıda BMT-nin Asiya və Sakit Okean üzrə İnkişaf üçün İKT Tədris Mərkəzinin/Asiya və Sakit Okeanda İqtisadi və sosial məsələlər üzrə komissiyanın (UN-APCICT/ESCAP) və Azərbaycan Respublikasının Prezidenti yanında Dövlət qulluğu məsələləri üzrə Komissiyasının birgə təşkilatçılığı ilə keçirilmişdir.
6 fevralda keçirilən məlumat sessiyasında T.Babayev Akademiyanın 9-cu (Fəlakət zamanı risklərin idarə edilməsi) və 10-cu(İKT və iqlim dəyişkinliyi) Modulları üzrə təqdimat etmişdir. AMEA-nın Kibernetika İnstitutu tərəfindən işlənən anomal seysmik proseslərin monitorinqini həyata keçirən RNM ASP stansiyaları şəbəkəsi və baş verəcək zəlzələlərin vaxtının müəyyən edilməsi üçün yaradılmış monitorinq sisteminin fəaliyyəti Azərbaycanda təbii fəlakət zamanı risklərin idarə edilməsində İKT-dən istifadənin nümunəsi kimi nümayiş etdirilmişdir.